​​തിരുവനന്തപുരം:കെ-റെയിൽ (സിൽവർ ലൈൻ) പദ്ധതിക്കെതിരെ രൂക്ഷമായ പരിഹാസവും വിമർശനവുമായി മുഖ്യമന്ത്രി വി.ഡി. സതീശൻ രംഗത്തെത്തി. പദ്ധതി നടപ്പിലാക്കിയിരുന്നെങ്കിൽ കേരളം വലിയൊരു പരിസ്ഥിതി ദുരന്തത്തിന് സാക്ഷ്യം വഹിക്കുമായിരുന്നുവെന്ന് അദ്ദേഹം പറഞ്ഞു.പദ്ധതി പിൻവലിക്കുന്നതിനായി കണ്ടെത്തിയ ​പ്രധാന കാരണങ്ങൾ ഇവയാണ് 300 കിലോമീറ്ററോളം ദൂരത്തിൽ 30 അടി ഉയരത്തിൽ നിർമ്മിക്കുന്ന എംബാങ്ക്‌മെന്റ് (മൺതിട്ട) കേരളത്തിന്റെ സ്വാഭാവിക ജലഗതിയെ തടസ്സപ്പെടുത്തുമായിരുന്നു. പശ്ചിമഘട്ടത്തിൽ നിന്ന് താഴേക്ക് ഒഴുകുന്ന നദികളെ ഇത് തടയുമായിരുന്നു. ഇത്തരമൊരു മതിൽ വന്നാൽ മഴക്കാലത്ത് ട്രെയിനിനൊപ്പം ബോട്ട് കൂടി ഓടിക്കേണ്ടി വരുന്ന അവസ്ഥയുണ്ടാകുമായിരുന്നുവെന്ന് മുഖ്യമന്ത്രി പരിഹസിച്ചു.കെ-റെയിൽ പദ്ധതിക്ക് കൃത്യമായ ഒരു വിശദമായ പദ്ധതി രേഖ (DPR) പോലും ഉണ്ടായിരുന്നില്ല. യുഡിഎഫ് ഉപസമിതി നടത്തിയ പഠനങ്ങളുടെയും വിദഗ്ധരുമായുള്ള ചർച്ചകളുടെയും അടിസ്ഥാനത്തിലാണ് പദ്ധതിയെ എതിർത്തത്.മുൻ സർക്കാർ പദ്ധതി ഉപേക്ഷിച്ചെങ്കിലും ഭൂമി ഏറ്റെടുക്കലുമായി ബന്ധപ്പെട്ട വിജ്ഞാപനം (Notification) റദ്ദാക്കിയിരുന്നില്ല. ഇത് സമരത്തിൽ പങ്കെടുത്ത സാധാരണക്കാരെ ശിക്ഷിക്കുന്നതിന് തുല്യമായിരുന്നു. ഭൂമി വിൽക്കാനോ പണയം വെക്കാനോ കഴിയാതെ നിരവധി കുടുംബങ്ങൾ പ്രതിസന്ധിയിലായിരുന്നു.ജനങ്ങളുടെ പരാതികൾ പരിഗണിച്ച് കെ-റെയിൽ പദ്ധതി ഔദ്യോഗികമായി റദ്ദാക്കാനും, സ്ഥാപിച്ച മഞ്ഞക്കുറ്റികൾ നീക്കം ചെയ്യാനും സമരക്കാർക്കെതിരെയുള്ള കേസുകൾ പിൻവലിക്കാനും വി.ഡി. സതീശൻ സർക്കാർ തീരുമാനിച്ചു.​പദ്ധതി വേണ്ടെന്ന് വെച്ചാൽ അത് ഡീനോട്ടിഫൈ ചെയ്യാൻ ഒരു ഉത്തരവ് മാത്രം മതിയായിരുന്നുവെന്നും മുൻ സർക്കാർ അത് ചെയ്യാത്തത് പാവപ്പെട്ടവരോടുള്ള ക്രൂരതയാണെന്നും അദ്ദേഹം കൂട്ടിച്ചേർത്തു.