ന്യൂഡൽഹി:രാജ്യത്ത് നാലുദിവസത്തിനിടെ രണ്ടാമതും ഇന്ധനവില വർധിപ്പിച്ചു. പെട്രോൾ ലിറ്ററിന് 86 പൈസയും ഡീസൽ ലിറ്ററിന് 83 പൈസയുമാണ് പുതിയതായി കൂട്ടിയത്. കഴിഞ്ഞ വെള്ളിയാഴ്ച ഇന്ധനവില മൂന്നു രൂപ വർധിപ്പിച്ചിരുന്നു.പുതിയ വർധനവോടെ കൊച്ചിയിൽ പെട്രോളിന് 109.73 രൂപയും ഡീസലിന് 98.63 രൂപയുമായി നിരക്കുയർന്നു. ഡൽഹിയിൽ പെട്രോൾ വില 97.77 രൂപയും ഡീസൽ വില 90.67 രൂപയുമാണ്. പശ്ചിമേഷ്യയിലെ യുദ്ധസാഹചര്യങ്ങളെത്തുടർന്നുള്ള ആഗോള ഊർജ പ്രതിസന്ധിയും, പ്രധാന സമുദ്ര വ്യാപാര പാതയായ ഹോർമുസ് കടലിടുക്കിലെ ഉപരോധവുമാണ് പെട്ടെന്നുള്ള ഈ വില വർധനവിന് കാരണം.