കണ്ണൂർ: പുസ്തകപ്രസാധന രംഗത്തും സാംസ്കാരിക പ്രവർത്തനങ്ങളിലും രണ്ട് പതിറ്റാണ്ട് പിന്നിടുന്ന കൈരളി ബുക്ക്സ് നടത്തിവരുന്ന കൾച്ചറൽ ഫെസ്റ്റിൻ്റെ നാലാമത് എഡിഷന് , കൈരളി ഇൻ്റർനാഷണൽ കൽച്ചറൽ ഫെസ്റ്റിന് ഈ 14 ന് തുടക്കമാകും(കെഐസിഎഫ്) . കണ്ണൂരിൻ്റെ സാംസ്കാരിക ഭൂപടത്തിൽ വേറിട്ടുനിൽക്കുന്ന ഈ സംഗമം വൈവിധ്യമാർന്ന വിഷയങ്ങളുടെ ചർച്ചാവേദിയാകുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.
രണ്ട് പതിറ്റാണ്ടിൻ്റെ പ്രസാധന പെരുമ ഉത്തരകേരളത്തിൽ പുസ്തകപ്രസാധനത്തിന് പരിമിതമായ സൗകര്യങ്ങൾ മാത്രമുണ്ടായിരുന്ന കാലത്ത് പ്രവർത്തനമാരംഭിച്ച കൈരളി ബുക്കിൻ്റെ പുസ്തക പ്രസാധനരംഗത്തെ വടക്കൻ പെരുമ’ എന്നാണ്. മാധ്യമങ്ങൾ വിശേഷിപ്പിച്ചത്. കഥ, നോവൽ, കവിത, ആത്മകഥ, സഞ്ചാരസാഹിത്യം തുടങ്ങി വിവിധ വിഭാഗങ്ങളിലായി നാലായിരത്തിലധികം പുസ്തകങ്ങൾ പ്രസിദ്ധീകരിച്ചിട്ടുണ്ട്. പ്രമുഖ എഴുത്തുകാർക്കൊപ്പം നിരവധി നവഗത പ്രതിഭകളെയും മലയാളത്തിന് പരിചയപ്പെടുത്താൻ ഈ സ്ഥാപനത്തിന് സാധിച്ചു എന്നത് വലിയ നേട്ടമാണ്.കെ.ഐ.സി.എഫ് (KICF): ചരിത്രവും വളർച്ചയും 2018-ൽ കണ്ണൂരിലെ ആദ്യ സാംസ്കാരികോത്സവമായാണ് കെഐസിഎഫ് ആരംഭിച്ചത്. ഇന്ത്യക്കത്തും പുറത്തുമുള്ള പ്രതിഭകളുടെ ആദ്യ രണ്ട് പതിപ്പുകളും ശ്രദ്ധേയമായിരുന്നു. സിനിമ ആസ്പദമാക്കി നടന്ന മൂന്നാം പതിപ്പ് (2025) എഴുപതോളം സിനിമാ പ്രമുഖർ പങ്കെടുത്ത വിപുലമായ അക്കാദമിക് വർക്ക്ഷോപ്പായിരുന്നു.പുസ്തകങ്ങൾക്കും വായനക്കാർക്കും അപ്പുറം സമൂഹത്തിൽ സാംസ്കാരികമായ മാറ്റം കൊണ്ടുവരികയാണ് കൈരളി ബുക്സ്. പുതിയ കാലഘട്ടവും ജീവിതവും ആവശ്യപ്പെടുന്ന സർഗാത്മകത കൈരളി ബുക്സിൻ്റെയും കെ.ഐ.സി.എഫ്-ൻ്റെയും പ്രവർത്തനങ്ങളിൽ പ്രതിഫലിപ്പിക്കുമെന്ന് സംഘാടകർ പറഞ്ഞു.വാർത്താസമ്മേളനത്തിൽ കൈരളി ബുക്സ് ചെയർമാൻ അ ഡോ. മുരളിമോഹനൻ കെ.വി., മാനേജിംഗ് ഡയറക്ടർ ഒ. അശോക് കുമാർ, എഡിറ്റർ ഇ.വി. പവിത്രൻ, അസോസിയേറ്റ് എഡിറ്റർ എ.കെ. ബിജുരാജ്, മാർക്കറ്റിംഗ് മാനേജർ വിജു പി.കെ.എന്നിവർ പങ്കെടുത്തു.
