കൊച്ചി:സിനിമയിൽ ശ്രദ്ധേയമായ താരനിരയുമായി അമൽ നീരദ് ഒരുക്കുന്ന പുതിയ ചിത്രം ‘ബാച്ചിലർ പാർട്ടി D’EUX’-ന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. 2012ൽ പുറത്തിറങ്ങിയ ‘ബാച്ചിലർ പാർട്ടി’യുടെ തുടർച്ചയായാണ് പുതിയ ചിത്രം എത്തുന്നത്.
കുഞ്ചാക്കോ ബോബൻ, നസ്ലിൻ ഗഫൂർ, ടൊവിനോ തോമസ്, സൗബിൻ ഷാഹിർ, ഷറഫുദീൻ, ചന്തു സലിംകുമാർ, ഗ്രിഗറി ഡേവിഡ്, ഷൈൻ ടോം ചാക്കോ, നദിയ മൊയ്തു, രജിഷ വിജയൻ, ജ്യോതിര്മയി, ഹർഷിക കൃഷ്ണ, പാരിസ് ലക്ഷ്മി തുടങ്ങി വലിയ താരനിരയാണ് ചിത്രത്തിലുള്ളത്.
ചിത്രത്തിലെ താരങ്ങളുടെ വ്യത്യസ്ത ലുക്കുകൾ ഉൾപ്പെടുത്തിയ പോസ്റ്ററാണ് അണിയറപ്രവർത്തകർ പുറത്തുവിട്ടത്. 2012ൽ പുറത്തിറങ്ങിയ ആദ്യ ‘ബാച്ചിലർ പാർട്ടി’ ശ്രദ്ധ നേടിയിരുന്നു. അതിന്റെ തുടർച്ചയെന്ന നിലയിലാണ് പുതിയ ചിത്രം ഒരുക്കുന്നത്.
അമൽ നീരദ് പ്രൊഡക്ഷൻസ്, അൻവർ റഷീദ് എന്റർടെയ്ൻമെന്റ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ ചേർന്നാണ് ചിത്രം നിർമ്മിക്കുന്നത്. നവംബർ 19ന് ചിത്രം തിയറ്ററുകളിലെത്തും.